Asociación por un PuntuAST

Esta ye una plataforma abierta pa lluchar pola obtención d'un dominiu d'internet .AST pa toles páxines en llingua asturiana de la rede. En viendo la trunfal campaña catalana pol .CAT y del so resultáu, queda bien nidio que ye posible qu'una comunidá llingüística ensin estáu seya a algamar un dominiu na rede. Poro, esti ensame constitúise con esi enfotu: El d'algamar el .AST pa la comunidá de la rede que tien l'asturianu por llingua vehicular o dalguna rellación cola cultura asturiana.

28/1/07

L'Asociación cultural "El Tueru" súmase a la campaña

Paez ser que la idea d'un dominiu propiu na rede p'Asturies ta calistrando bien nes Asociaciones culturales. Otra más, esta vez "El Tueru" súmase a la campaña. Esta asociación del conceyu de Llanes trabaya dende fae tres años nel conceyu pola llingua y la cultura d´Asturies.